Sekretarja e Përgjithshme e PDIU-së, Mesila Doda ka reaguar lidhur me letrën e biznesmenes Vilma Nushi, e infektuar me COVID-19, drejtuar qytetarëve pas mallkimeve të marra nga ta.
Në një postim në rrjetet sociale, Mesila Doda i drejtohet Vilma Nushit se njerëzit nuk e kanë inat për shkak se është e pasur, por për shkak se sipas saj, ka vjedhur buxhetin me procedurën korruptive të check up-it dhe kur pati nevojë iku nga ky sistem, për të cilin kontroboi për ta lënë në mizerje.
Ish-deputetja e PDIU-së i uron shërim të shpejtë Vilma Nushit dhe pastaj të vijë të japë llogari përpara një drejtësie të pakapur, pasi sipas saj, vendi i biznesmenes nuk duhet të jetë varri, por burgu.
Postimi i plotë:
Një fjalë e fundit për Vilmën…
Ka marrë dhe kjo stilin e Ramës e i bie atij argumenti që i shkon për shtat…
Jo Vilma, nuk të kanë inat njerëzit, se je e pasur. Respekte për ata që punojnë e nuk fusin duart në xhepat e shqiptarëve. Iku dhe Avni Ponari për kurim, po nuk pipëtiu njeri, se i ka paratë e punës së tij dhe nuk mori kurrë gjysëm leku në buxhet, ndaj të gjithë i uruan shërim të shpejtë…
Ti vodhe buxhetin me procedurën korruptive të check up-it dhe kur pate nevojë ike nga ky sistem, të cilin ti vetë kontribuove për ta lënë në mizerje.
E kanë me ty shqiptarët Vilma, sepse je bashkëpunëtore në vjedhje me kryegangsterin dhe kjo vjedhje bëhet me gjakun dhe mundin e atyre qe sot s’kanë zë…
Ndaj, ki delikatesën të mos flasësh më asnjë fjalë.
Të uroj shërim të shpejtë Vilma, dhe pastaj të vish e të japësh llogari përpara një drejtesie të pakapur nga nga Babloku… vendi yt nuk duhet të jetë varri Vilma, po burgu…
/En.Br./Fjala.al
