Një ngjarje e rëndë është regjistruar në Patos ditën e djeshme.
Një 47-vjeçar ka hyrë në shtëpinë e ish bashkëshortes së tij pa pëlqimin e saj, e ka keqtrajtuar dhe e ka rrëzuar nga kati i dytë i banesës.
Autori, shtetasi me iniciale S.Rr, banues në Kurian, Roskovec është vënë në pranga nga policia e Fierit.
Mësohet se ish-bashkëshortja e tij, shtetasja E. S, 38 vjeçe, ishte e pajisur me urdhër mbrojtje nga Gjykata. Ajo aktualisht ndodhet në Spitalin Rajonal Fier nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje për shkak të marrëdhënieve familjare” e mbetur në tentativë, “Dhunë në familje”, “Veprime në kundërshtim me vendimin e Gjykatës”, “Dhunimi i banesës” dhe “Shkatërrimi i pronës”.
/En.Br./Fjala.al
