Është një vend në botë i cili ka vetëm 5 viktima nga koronavirusi.
Në Ruanda, njerëzit testohen edhe rastësisht, kur janë duke ecur në rrugë.
Sa herë që dikush po i jep biçikletës, makinës apo motorrit, ai pyetet nëse dëshiron të testohet.
Edhe pse klasifikohet si një prej vendeve me të ardhurat më të ulëta nga Banka Botërore, me burimet e saj të kufizuara, vendi i Afrikës Lindore ka arritur sidoqoftë të identifikojë çdo rast të koronavirusit.
Kushdo që testohet pozitiv vendoset menjëherë në karantinë në një klinikë dedikuar vetëm Covid-19.
Më pas, punonjësit e shëndetit telefonojnë dhe kontaktojnë me çdo person të mundshëm me të cilin, i testuari me rezultat pozitiv ka patur kontakt.
Përvojat me sëmundje të tjera infektuese e kanë ndihmuar Ruandën. Vendi aktualisht, po përdor funksione dhe pajisje, që dikur i përdorte për HIV apo SST të tjera.
Arsye të tjera që ndikuan në suksesin e Ruandës, përfshijnë faktin që vendi reagoi shumë herët, duke mos e lënë situatën të përkeqësohej. Gjithashtu qeveritarët vendosën rregulla karantinimi më të rrepta se çdo vend tjetër afrikan.
Spitalet tani, po përdorin robotë në përmasa njerëzore në klinikat dedikuar COVID-19 për të matur temperaturat e pacientëve dhe për të dërguar furnizimet./Fjala.al/Ke.Ba
