Cristiano Ronaldo njihet për shpenzimet e mëdha që bën në objekte që i pëlqejnë. E shtrenjtë mund të konsiderohet edhe “lodra” e blerë së fundmi nga ylli i skuadrës së Juventusit.
Portugezi është duke shijuar verën së bashku me partneren e tij Georgina Rodriguez dhe fëmijët një jahtin e tij të ri.
Jahti luksoz kushton rreth 6 milionë euro, ndërsa i përket firmës italiane “Azimut” raporton “Expansion”.
Ai është i gjatë 27 metra dhe i gjerë 3 metra ndërsa ka një suitë me xham panoramik, që lejon pamje spektakolare dhe unike të detit.
Ky jaht ka katër suita dyshe për pasagjerë dhe dy kabina të tjera për ekuipazhin, shtatë tualete në të tria katet e mjetit lundrues. Ndërsa pjesa e jashtme ka një dizajn modern dhe linjë aerodinamike, që e lejon jahtin të lundrojë me një shpejtësi maksimale prej 28 miljesh.
Nga kantierët e anijeve nuk e është konfirmuar ende, por në Itali thuhet me siguri se këtë jaht e ka blerë Cristiano Ronaldo për 5.6 milionë euro, pas disa verave, kur e kishte shijuar me qira këtë mjet lundrues luksoz.ka.ta/Fjala.al/
