Titullari i skuadrës së Partizanit, Bruno Telushi mund të largohet në drejtim të Turqisë.
Skuadra e Menemenspor-it është duke bërë blerje për sezonin e ri të Ligës së Parë në futbollin turk. Ajo ka nënshkruar me nigerianin Bernard Bulbwa, që vjen nga NK Dugopolje i Kroacisë.
Ndërsa tashmë po tentojnë të marrin mesfushorin vlonjat të Partizanit, Bruno Telushi.
Media turke “hurriyet.com.tr” raporton se bisedimet me mesfushorin e ekipit shqiptar të Partizanit vijojnë pozitivisht dhe transferimi pritet të bëhet zyrtar sa më shpejt të jetë e mundur.
29-vjeçar, i cili luajti 40 ndeshje zyrtare për Partizanin e Tiranës në të gjitha kompeticionet këtë sezon, shënoi 8 gola.
Theksojmë se Menemenspor njihet mirë në vendin tonë, pasi aty luajnë dy ish-futbollistë të Superiores, konkretisht të Laçit, Gentjan Selmani dhe David Domgjoni.
Të dy këta lojtarë kanë lënë përshtypje tejet të mira në klubin turk, i cili i ka kthyer sytë te futbollistë të tjerë shqiptarë.ka.ta/Fjala.al/
