Kreu i grupit parlamentar socialist, Taulant Balla prej ditësh vijon përplasjen me djalin e ish-kryeministrit Sali Berisha, pasi i publikoi disa dokumente duke e akuzuar këtë të fundit se kishte marrë 1.8 milionë euro kredi dhe kishte lënë garant disa prona afër Gërdecit, duke ngritur pikëpyetjet se si i përvetësoi.
Shkëlzen Berisha iu përgjigj duke deklaruar se do e padisë për shpifje.
Së fundmi, Balla i është përgjigjur duke e këshilluar që ta harrojë gjyqin dhe t’ja lërë në dorë SPAK-ut çështjen.
Postimi i plotë:
Zen, gjyqet me mua kollaj, po si i behet tere atyre milionave euro që nuk justifikohen dot as me sharje, as me kërcënime dhe as me fotot e jetës tënde luksoze nëpër ishuj e nëpër gadishuj të planetit?!
Po ti s’ke faj, se nuk i kemi ngjare Babit tënd ne që u plak duke hedhur baltë dhe nuk jemi as si hienat e Babit që u shkoi jeta duke na u turrur nëpër familje! E megjithate dreqi e mori, ato udhëtimet e tua pishinë më pishinë dhe oqean më oqean, shumë të kushtueshme duken mor Zen!
Të paktën nga fotot kështu na duken ne sheikeve të dalë nga fantazia e Babit, po mbase i ke bërë me fotoshop dhe s’të kemi ngacmuar për to! Po kjo fabrika në Gërdec shumë e madhe o Zen për t’u bërë fotoshop!
Nuk di si do e justifikosh këtë dreq fabrike dhe dëgjo mua, më mirë lërja Spakut se do mbetesh në tualetin e Gjykatës po u përballëm bashkë për këtë punë. Si të duash, këtu jam unë zgjidh dhe merr po vetëm një gjë ta dish: Edhe si sekser (ndërmjetes siç thua ti) je shumë dembel! Aq dembel sa të ngeli fabrika zbuluar dhe as Babi nuk ta fsheh dot më.
/En.Br./Fjala.al
