Trajneri i parë afrikan që kaloi një ekip në Champions League, Ndubisi Emmanuel Egbo ka folur për racizmin që ndjeu gjatë këtij sezoni.
Tekniku i KF Tirana u konfirmua fundjavën e kaluar si fitues i Kategorisë Superiore, niveli më i lartë i futbollit shqiptar për meshkuj.
Arritja e Egbos ishte edhe më e mrekullueshme duke pasur parasysh që ai mori përsipër sezonin në një periudhë kur skuadra ishte shumë keq me rezultatet.
Në një intervistë të dhënë për BBC Sport ai ka folur për këtë rrugëtim dhe vështirësitë që hasi.
“Ka racizëm në Shqipëri. Në një lojë ata më hodhën një banane. Ata më pështynë. Policia dhe siguria ishin atje dhe askush nuk bëri asgjë. Ata kishin frikë nga tifozët. Unë nuk mund të bëja asgjë. Unë thjesht duhej ta pranoja”.-tha 47-vjeçari.
Më tej ai ka treguar se fitorja e kampionatit i ka bërë njerëzit e tij të ndjehem krenar ndërsa ka theksuar se ishte njësoj si atëherë kur Barack Obama fitoi Presidencën e Amerikës.
“Afrikanët e mi thanë, ‘nuk e dini se çfarë keni bërë për ne duke fituar këtë kampionat’, Mund të them se ishte ashtu si kur Obama fitoi Presidencën në Amerikë. Kjo është saktësisht se si shihet këtu.”-u shpreh ai.
Kjo ishte hera e parë që Tirana merr titullin kampion pas një pauze prej 11 vitesh./ka.ta/Fjala.al/
