Policia e Kavajës ka vënë në pranga 2 shtetas si autorë të disa vjedhjeve në këtë qytet.
Bëhet fjalë për dy të rinj Ll. T., 35 vjeç dhe A. P., 29 vjeç, të cilët në bashkëpunim me njëri-tjetrin kanë kryer disa vjedhje lokalesh e banesash me thyerje.
Policia ka bërë të mundur arrestimin e tyre në flagrancë ndërkohë që kanë tentuar të vjedhin lokalin e shtetasit A. Sh., duke marrë 2 televizorë dhe 1 kompjuter.
Ndërkohë këta shtetas dyshohen për një sërë vjedhjesh në këtë zonë, konkretisht :
-Më datë 22.06.2020 kanë vjedhur dy televizorë në picerinë e shtetasit B. Xh.;
– Më datë 29.06.2020 kanë vjedhur me thyerje banesën e shtetasit B. Ç., ku kanë marrë një çiklomotor dhe një televizor;
– Më datë 14.07.2020 kanë vjedhur një televizor në banesën e shtetasit K. M.;
– Më datë 19.07.2020 kanë vjedhur me thyerje banesën e shtetasit O. M., ku kanë marrë disa sende elektroshtëpiake.
Gjatë kontrollit të mjetit me të cilin këta shtetas qarkullonin dhe kryenin vjedhjet u gjeten dhe u sekuestruan në cilësinë e provës materiale 3 televizorë, 1 kompjuter dhe sendet që dyshohet se këta shtetas i përdornin për të kryer vjedhjet.
Materialet i kaluan Prokurorisë pranë Gjykatës së Shkallës së Parë Kavajë, për veprime të mëtejshme, për veprën penale “Vjedhja” e kryer në bashkëpunim. /Ra.My.Fjala.al/
