Boksieri shqiptar Florian Marku dëshiron që të ndeshet me Connor Benn dhe ka nisur të flasë me ‘thumbime’ ndaj këtij të fundit.
Ky i fundit nuk ka pranuar të ndeshet me shqiptarin, ndërsa agjenti i Markut, Sam Jones, tregoi për Sky Sport mundësinë e zhvillimit të kësaj ndeshjeje.
Jones tregoi se Marku ka shumë mbështetje dhe shtoi se do të ishte i duhuri për Connor Benn.
Ndër të tjera ai ka shtuar se kjo përballje është e pashmangshme dhe ka shtuar se Benn duhet ta pranojë këtë duel.
“Është e pashmangshme, Eddie Hearn duhet ta organizojë këtë duel. Ne jemi gati, jemi të bindur që do të kemi mbi 20 mijë tifozë në Arena dhe 20 mijë tifozë jashtë saj. Edhe në stil, do të ishte një duel për të mos u humbur. Të dy godasin fort dhe nuk shmangën. Duhet që Benn ta pranojë sfidën”, –u shpreh agjenti i Markut.
Megjithatë nga anglezi nuk ka ardhur ende një reagim tjetër, nëse do të ndryshojë mendje për t’u përballur me shqiptarin.ka.ta/Fjala.al/
