Tirana u shpall këtë vit kampione e Kategorisë Superiore, duke vërtetuar se kishte skuadrën më të fortë në vendin tonë.
Pavarësisht këtij fakti, bardheblutë kanë filluar të bëjnë goditje të forta në merkato. Pas nënshkrimit me 26-vjeçarin, Albion Avdiaj dhe rinovimin e kontratës me një nga emrat kryesor të saj këtë kampionat, Agustin Torrasa-n, Tirana ka gjetur akordin dhe me një tjetër lojtar të ri.
Burime për grupin mediatik “FJALA” bëjnë me dije se 23-vjeçari Ardit Toli është prurja e re e klubit kryeqytetas.
Mbrojtësi i djathtë deri në këto momente është aktivizuar në Greqi me skuadrat e Olympiacos dhe së fundmi me atë të Kalamatës, me të cilën që prej janarit ka bërë 10 paraqitje.
Të njëjtat burime kanë bërë me dije se lojtari ka kaluar te bardheblutë me parametra 0. Ndërsa firmosja e kontratës do të bëhet ditën e shtunë./Katerina Tafa/Fjala.al/
