Mbyllet kampionati i Superligës/ Tirana feston titullin kampion pa tifozë

113 563 lexime

124,178FansaPëlqeje

Mbrëmjen e djeshme është mbyllur sezoni 2019-2020 i Kategorisë Superiore dhe skuadra e Tiranës ka ngritur trofeun e kampionit, por si asnjëherë më parë pa praninë e tifozëve në stadium, për shkak të pandemisë COVID-19.

Nga Katerina Tafa

Është mbyllur mbrëmjen e djeshme sezoni i Kategorisë Superiore 2019-2020 dhe mund të konsiderohet me plot gojën si një kampionat aspak i zakontë. COVID-19 solli pezullimin prej më shumë se dy muajsh të ndeshjeve dhe më pas një rikthim jo normal të tyre. Është hera e parë që të gjitha takimet e Superligës luhen pa praninë e tifozëve dhe me rregulla të reja, të vendosura për të mos përhapur më shumë virusin vdekjeprurës. Shtrëngimi i duarve apo dhe pështyma ishin me urdhër të ndaluara.

Ndërsa pati edhe lojtarë të infektuar, siç ishte rasti i parë i sulmuesit të Bylisit, Eridon Qardaku, ndërsa më pas infektimi i pesë lojtarëve të Partizanit, rumunit Deian Boldor, Besnik Feratit, Amir Bilalit, Esat Malës dhe Eraldo Çinarit, që ishte edhe i fundit që fitoi luftën me koronavirusin.

Tirana ia doli që ta marrë titullin kampion të këtij sezoni, duke u shpallur kampione për herë të 25-tën herë gjatë gjithë historisë së saj. Kryeqytetasit morën mbrëmjen e djeshme trofeun e kampionit, pas ndeshjes me Bylisin, qw u mbyll me barazimi 1-1. Kjo fitore erdhi në përvjetorin e 100-të të krijimit të saj. Bardheblutë nuk e nisën mirë sezonin dhe brenda pak muajve u ndërruan tre trajnerë. Do të duhej trajneri i portierëve, Emmanuel Egbo, që Tirana të merrte veten dhe të kthehej në një skuadër të pakalueshme. Egbo u bë kështu i pari afrikan që fiton titullin kampion dhe çon një skuadër në Champions League në të gjithë Evropën.

Kukësi, nga ana tjetër, e nisi sezonin mirë dhe pati një ecuri deri diku të pozitive, por gafat me disa nga skuadrat të konsideruara më të dobëta të këtij sezoni, u kushtuan verilindorëve shumë. Ishin pikërisht ato gafa që i kushtuan stolin Shpëtim Duros, i cili u zëvendësua më pas nga Orges Shehi, por edhe ky i fundit nuk mundi të sillte triumfin te Kukësi që, megjithatë, mundi të siguronte një vend në garat e Evropës.

Lexo edhe :  Ndeshja ndaj Elbasanit, Shkëmbi: Ia dalim me shpirt luftarak, pres shumë nga ekipi

Skuadra e Laçit, po ashtu, ka pasur ecuri të mirë gjatë këtij sezoni. Ndonëse deri diku me ulje-ngritje laçianët kanë siguruar vendin e tyre në kompeticionet evropiane.

Ndërsa ajo që ka i ka habitur të gjithë është fakti se disa nga skuadrat me më shumë histori, si Flamurtari e Luftëtari, u rrëzuan nga elita e futbollit shqiptar. Ndërsa në diskutim është edhe e ardhmja e klubit më të vjetër në vendin tonë, Vllaznisë, së cilësi duhet të luajë me Besëlidhjen që të sigurojë vendin e saj në Superligë për sezonin e ardhshëm.

Ecuria e Teutës dhe ajo e Skënderbeut ishin deri diku të mira. Durrsakët mundën t’i surprizonin të gjithë me kualifikimin e finales së Kupës së Shqipërisë, ndërsa në Kategorinë Superiore kanë arritur të marrin rezultate mesatare. Ndërsa korçarët, nga ana e tyre, nuk e nisën mirë këtë sezon, por nga fundi i tij e morën veten dhe arritën të siguronin për një vit tjetër vendin e tyre në elitën e sportit shqiptar, ndonëse me një skuadër që ka në përbërje të saj lojtarë shumë të rinj në moshë.

Zhgënjyes ishte ky sezon për skuadrën e Partizanit. Të kuqtë e kryeqytetit jo vetëm që nuk mundën të merrnin titullin për vitin e dytë radhazi, por nuk siguruan dot asnjë vend në kompeticionet evropiane. Partizani kishte një start jo të keq, por më pas loja e tyre mori tatëpjetën.

Ndërsa surpriza e këtij sezoni ishte skuadra e Bylisit. Ballshiotët treguan shumë karakter dhe u panë si një kërcënim për ekipet më të forta. Megjithatë, vazhdimësia nuk ishte e mirë për skuadrën, që për një pjesë të golave ua la fajin vendimeve të arbitrave. Pavarësisht kësaj ky klub siguroi pjesëmarrjen edhe për sezonin e 2020-2021 në Kategorinë Superiore.

Të fundit

Konfirmohen 12 raste me fruth në 3 muaj në vendin tonë, shumica e fëmijëve të pavaksinuar

Në vendin tonë janë konfirmuar 12 raste te fëmijëve nga janari në mars, shumica e tyre të pavaksinuar. 8...

Gjenden 3 mijë litra karburant në ishullin e Sazanit! Policia nis hetimet për 4 persona

Policia kufitare e Vlorës, arrin të parandalojë një rast të dyshuar të trafikut të lëndëve narkotike. Pas marrjes së informacionit për një mjet të dyshuar...

“Po komunikojmë me Korenë e Veriut”, Trump: Kemi marrëdhënie të shkëlqyer, ndoshta do të…

Presidenti amerikan Donald Trump tha se Uashingtoni mban kanale komunikimi me Korenë e Veriut dhe pranoi se në një moment ai mund të komunikojë...

Debatet idiote në TV shqiptare dhe përgjegjësia e moderatorëve

Nga Artan Fuga Dosja media! E dinë gazetarët dhe gazetaret e televizioneve, sidomos moderatorët e emisioneve që marrin në intervistë kandidatë për deputetë, rolin e tyre...

Moti i keq godet Greqinë, banesa nën ujë e rrugë të bllokuara nga reshjet e shiut

Moti i keq ka përfshirë Greqinë, duke shkaktuar përmbytje të mëdha. Moti i keq ka goditur kryesisht në Kretë. Shumë zona janë përmbytur, ndërsa...

Lajme të tjera

Web TV