Presidenti Ilir Meta ka reaguar pasi Italia dërgoi në Shqipëri një ekip me mjekë dhe infermierë pët të ndihmuar bluzat e bardha në Shqipëri. Përveç ekipit të përbërë nga shtatë mjekë dhe infermierë Italia dhuroi dhe 500 mijë maska kirurgjikale.
Përmes një postimi në rrjetet sociale, Meta i shpreh mirënjohje të thellë dhe thotë se ky solidaritet do të forcojë dhe më shumë marrëdhëniet e shkëlqyera midis dy vendeve.
“Falenderim dhe mirënjohje të thellë Italisë sonë të dashur për ekipin e përbërë nga shtatë mjekë e infermierë, si dhe për 500 mijë maska kirurgjikale, që ka dërguar sot si ndihmë për Shqipërinë, me qëllimin përballimin e pasojave të COVID-19.
Italia mbetet një partner i pazëvendësueshëm strategjik i Shqipërisë që përherë ka qenë e para për të na ndihmuar bujarisht sa herë kemi përjetuar kriza dhe tragjedi të mëdha!
Ky solidaritet dhe këto sakrifica do ta forcojnë edhe më shumë marrëdhënien e shkëlqyer midis dy vendeve e popujve tanë!
GRAZIE DI CUORE! ??❤️??”, shkruan Meta.
