Në orën 08:00 të mëngjesit të sotëm plot 12 universitetet publike në vendin tonë kanë hapur qendrat e votimit për studentët dhe stafin akademik. Procesi do të zgjasë deri në orën 16:00 dhe është duke u zhvilluar tek të 8 njësitë e Universitetit të Tiranës.
Sot do të votojnë 718 personel akademik dhe mbi 25 mijë studentë dhe nga ky votim do të vendosen drejtuesit e universiteteve dhe studentët përfaqësues në senat.
Situata në Universitetin Politeknik paraqitet shumë e paprecedentë. Grupi mediatik “FJALA” ka siguruar pamje nga brenda universitetit në fjalë dhe të kutive të votimit. Në fotot e siguruara duket qartë se kutitë e votimit janë me logon e Partisë Socialiste.
https://youtu.be/1GzlLDHtr-k
Shkaku pse ka ndodhur kjo gjë nuk dihet ende, ndërsa zgjedhjet në këto institucione nuk duhet të jenë të politizuara.
Po ashtu ndërsa pritej që universitetet të hapnin dyert vetëm nën masa të rrepta sigurie, pra duke u ruajtur distanca dhe duke u zbatuar të gjitha rregullat e mbrojtjes për shkak të pandemisë së Covid-19, kjo gjë nuk është parë në Universitetin Politeknik.
Nga fotot e siguruara nga grupi mediatik “FJALA” duket se një votues që ndodhej brenda ambienteve të këtij fakulteti nuk ishte i pajisur me maskë.
Deri në orën 11:00 pjesëmarrja e personelit akademik ka qenë:
FSHN 56%
FSHS 46%
FD 45%
FE 55%
FHF 44%
FGJH 37%
/ka.ta/Fjala.al/
