Mëngjesin e sotëm u gjet i pajetë në vilën e tij në Farkë, 37-vjeçari Eugert Lazaj i cili është pronar i një kompleksi luksoz në Maminas.
Sipas policisë, dyshohet se 37 vjeçari është vetëvrarë në kushte depresioni, ndërsa pranë trupit të tij u gjet dhe arma e krimit. Eugert Lazaj është pronari i kompleksit “Adorions Palace” e cila ndodhet në autostradën Tiranë-Durrës.
“Më datë 30.07.2020, rreth orës 07:00, në fshatin Farkë, në banesë, dyshohet se është vetëvrarë me armë zjarri shtetasi E.L., 37 vjeç. Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes,” bën me dije policia./Re.Gu/Fjala.al
