Gent Cakaj, ministri në Detyrë për Evropën dhe Punët e Jashtme, ka uruar të gjithë besimtarët myslimanë për festën e Kurban Bajramit.
Ministri thekson se ky bajram është pak më ndryshe për shkak të pandemisë. Sipas tij, nevoja e kujdesit për njëri-tjetrin sot na detyron të respektojmë çdo rregull të institucioneve shëndetësore.
“Le të jetë kjo ditë e faljes, sakrificës dhe e dashurisë, burim frymëzimi për të gjithë ne, për të pastruar zemrat tona e bërë vepra të mira. Sidoqoftë, kjo nuk e zhbën asesi domosdoshmërinë e përafrimit të zemrave mes njerëzve, lartësimit shpirtëror të myslimanëve dhe adhurimin e pakushtëzuar e të përulur ndaj Zotit”, shprehet ai.
Ministri Cakaj i shpreh urimet më të përzemërta të gjithë besimtarëve myslimanë. Ka.Li/fjala.al
