Zëvendëskryeministri Erjon Braçe ka ngushëlluar familjen Rama për humbjen e nënës së tyre, Aneta Rama, në moshën 82-vjeçare.
Braçe ka postuar një mesazh të veçantë në rrjetin e tij social për ndarjen nga jeta të nënës së kryeministrit Edi Rama.
“Të jesh në paqe mike e mirë! E kam me vete zërin tënd, revoltën që na bënte bashkë; Mirësinë TËNDE! Lamtumirë!”, shkruan Braçe.
Aneta Rama u nda nga jeta në moshën 82-vjeçare. Me profesionin mjeke stomatologe, doktoreshë.
Ajo lindi në qytetin e Vlorës më 1 shtator 1939. Shkollën dhe arsimin e mesëm e mbaroi në qytetin e lindjes me rezultate të shkëlqyera.
Aneta Rama ka ndërruar jetë në orën 05.00 të mëngjesit të sotëm në shtëpinë e saj. Ajo ishte e sëmurë, ndërsa prej ditësh ndodhej e shtruar në spital. Një javë më ajo kishte lënë spitalin dhe qëndronte në shtëpinë e saj.
Kujtojmë se përcjellja për në banesën e fundit do të bëhet në orën 17.00 në varrezat e Sharrës dhe për shkak të pandemisë do të ketë numër të kufizuar njerëzish./Bl.Ba/Fjala.al
