Zvicra ka nisur një çështje penale kundër Presidentit të FIFA-s, Gianni Infantino për marrëdhëniet që ai ka me Michael Lauber, kreun e zyrës së Prokurorisë Federale.
Një prokuror arriti të zbulonte indikacione të sjelljeve kriminale lidhur me takimet e pretenduara në vitin 2016 dhe 2017, ndërsa autoritetet në atë periudhë ishin duke hetuar sesi Rusia dhe Katari rezultuan fitues në organizimin e Kupave të Botës 2018 dhe 2022.
“Kjo përfshin abuzim të detyrës publike, nxjerrje të të dhënave zyrtare, ndihmë ndaj kriminelëve dhe nxitje të këtyre veprimeve,” deklaroi organi mbikëqyrës AB-BA.
Infantino u zgjodh në vitin 2016 për të zëvendësuar Joseph Blatter, i cili gjithashtu ishte proceduar penalisht në vitin 2015. Në momentin që u zgjodh, Infantino premtoi të pastronte FIFA-n dhe të rikthente përsëri vëmendjen te futbolli.
Organi mbikëqyrës AB-BA deklaroi se Prokurori Special Stefan Keller, nisi të procedonte Infantino-n dhe Prokurorin Publik Rajonal i cili gjithashtu ishte i përfshirë në takime.
FIFA siguroi se organizata dhe presidenti i saj, Gianni Infantino, do të jenë në dispozicion të autoriteteve zvicerane dhe se do të bashkëpunojë me hetimin e hapur nga prokurori special federal i këtij vendi.
Në një deklaratë, Gianni Infantino tha: Njerëzit e kujtojnë shumë mirë se ku ishte FIFA si institucion në vitin 2015, dhe se sa ishte me të vërtetë e nevojshme ndërhyrja gjyqësore për të ndihmuar në rikthimin e besueshmërisë së organizatës. Si President i FIFA, qëllimi im nga dita e parë ka qenë, dhe vazhdon të jetë, të ndihmoj autoritetet të hetojnë parregullsitë që kanë ekzistuar në të kaluarën në FIFA. Ka.Li/fjala.al
