Një aksident me pasojë plagosjen ka ndodhur këtë mesditë në rrugën Transballkanike të qytetit bregdetar të Vlorës.
Mësohet se motori i një “Fast Food-i” ka përplasur një këmbësor duke i shkaktuar plagë të rënda në trup.
Menjëherë pas aksidentit i plagosuri është dërguar në spital me fraktura për të marrë ndihmën e nevojshme mjekësore, por fatmirësisht ndodhet jashtë rrezikut për jetën.
Këmbësori ka qenë duke kaluar rrugën, kur është përplasur nga motori.
Policia ka mbërritur në vendngjarje dhe ka shoqëruar drejtuesin e mjetit për veprime të mëtejshme./Bl.Ba/Fjala.al
