Pasditja e kësaj të hëne shënon afatin e fundit për maturantët të cilët do të hyjnë në garë për në Universitet.
Një pjesë e tyre kanë plotësuar formularin A2 dhe janë në pritje për rezultatin që vonon gati një muaj.
Ka ardhur momenti ku vetë ata të përllogarisin pikët që grumbullojnë për t’i krahasuar me listat e të regjistruarve të një viti më parë në raundin e parë.
Ndonëse formulat e degëve në fakultete pësojnë ndryshime të lehta vit pas viti dhe ofertë-kërkesa për një degë nuk është e njëjtë çdo vit, ashtu si edhe numri i maturantëve aplikues, sërish një krahasim i tillë për të përllogaritur shanset e fituesit, bën sens.
Universitetet kryesore, të cilat mbajnë edhe peshën më të madhe të aplikimeve me A2: Universiteti i Tiranës, Mjekësia, Politekniku, Universiteti Bujqësor dhe ato në rrethe.
Lista zyrtare pritet të shpallet në 31 gusht ku tashmë “kandidatë” për studentë, mund të përllogarisin nëse ID e tyre do të jetë në shtatë fazat e raundit të parë.
Mjaftojnë pesë të dhënat që i kanë tashmë, rezultatet e katër provimeve me detyrim e me zgjedhje, si dhe nota mesatare (si dhe rezultati në lëndë specifike, në varësi të degës që e kërkon) për të bërë kalkulimet e duhura.
Bo.Ba/fjala.al
