Një shtetas gjerman është gjetur i pajetë ditën e sotme në oborrin e një hoteli në Mitrovicë. Viktima është shtetasi gjerman Thomas Kortendiek, 39-vjeç, i cili është gjetur i vdekur në rrethana ende të panjohura.
Thomas Kortendiek jetonte prej kohësh në Kosovë, duke punuar për një kompani që merrej me projektin e energjisë me erë, që po zhvillohet në Bajgorë të Mitrovicës.
Vdekja e gjermanit nga Haselund është konfirmuar edhe nga autoritetet policore të Mitrovicës.
“Një person, shtetas i huaji, ka humbur jetën. Rasti është duke u hetuar si vdekje e dyshimtë, ndërsa trupi i viktimës është dërguar në Departamentin e Mjekësisë Ligjore për obduksion”, ka deklaruar Avni Zahiti, zëdhënës i policisë në Mitrovicë.
Dyshimet e para janë se ai është hedhur nga dritarja e hotelit ku po jetonte.
/En.Br./Fjala.al
