Policia ka dhënë detaje nga ngjarja e rëndë e regjistruar pasditen e sotme, ku u gjet një trup i pajetë në rrethana ende të paqarta.
Viktima është shtetasi A. B. 71 vjeç, banues në fshatin Hametaq, Njësia administrative Prezë dhe sipas burimeve zyrtare dyshohet se është vrarë me armë zjarri.
Ngjarja ka ndodhur rreth orës 16:45, në Fushë-Prezë, në kryqëzim me rrugën e Rinasit.
Shërbimet e Policisë njoftojnë se kanë bërë rrethimin e zonës dhe kanë ngritur pika kontrolli në aksin rrugor Rinas -Fushë-Krujë, Rinas-Vorë -Tiranë.
Grupi hetimor po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve.
Nën drejtimin e Prokurorisë vijon puna për zbardhjen e plotë të rrethanave të ngjarjes.
/En.Br./Fjala.al
