Një i mitur prej ditësh rezulton i humbur, ndërkohë që familja e tij vetëm ditën e djeshme i është drejtuar Policisë me kallëzim për zhdukjen e tij.
Policia e Tiranës bën me dije se shtetasi Y. D., 35 vjeç, banues në Tiranë mbrëmjen e djeshme ka kallëzuar se i është larguar nga banesa, djali i mitur me iniciale R. D., 11 vjeç.
Policia thotë se po punohet për gjetjen e tij dhe sqarimin e rrethanave të ngjarjes.
Rasti i të miturit është bërë publik dhe në media një ditë më parë. Djali që ka humbur kontaktet me familjen është Roid Dalipi.
Sipas familjarëve, djali është larguar nga banesa që prej datës 28 Korrik./Fjala.al/Ke.Ba
