Drejtuesit e klubeve të Kategorisë Superiore i kanë drejtuar Qeverisë dhe Kuvendit katër kërkesa dhe nëse nuk do të plotësohen paralajmërojnë me bojkot të edicionit të ri 2020-2021.
Ky vendim është marrë pas mbledhjes të zhvilluar ditën e sotme me presidentin e FSHF-së, Armando Dukën.
Ky vendim vjen sepse ndryshimet ligjore për sportin nuk kënaqin aktorët e futbollit shqiptar pasi ato nuk i japin zgjidhje kërkesave të klubeve dhe nuk përmbushin premtimet e Qeverisë.
Në këtë situatë kërkohet nga qeveria:
1. Miratimi i një ligji të ri për sponsorizimet sipas formës së propozuar nga komuniteti i futbollit, pasi ndryshimet e propozuara nga qeveria nuk kanë asnjë efekt.
2. Përfshirjen e të gjitha aktiviteteve ekonomike të futbollit në TVSH-në e reduktuar në masën 6% si bujqësia dhe turizmi dhe jo vetëm infrastrukturën sportive.
3. Zerimin e gjobave dhe kamatë-vonesave për detyrimet fiskale të prapambetura për të shmangur kolapsin financiar të klubeve.
4. Zgjatjen e efekteve të përjashtimit nga tatimi mbi të ardhurat për sportistët nga 2 në 10 vite.
/En.Br./Fjala.al
