Një bombul gazi ka shpërthyer në një shtëpi dykatëshe në Pogradec mëngjesin e kësaj të mërkure.
Burime bëjnë me dije se i plagosur ka mbetur pronari i shtëpisë i cili është dërguar menjëherë drejt spitalit për të marrë ndihmë mjekësore.
Sapo i zoti i shtëpisë është munduar të ndezë diçka në kuzhinë, ambienti ka qenë i mbushur nga gazi, i cili më pas ka provokuar edhe flakët.
Aktualisht nuk dihet gjendja e tij shëndetësore, nëse është e rëndë apo nëse është lënduar lehtë.
Bashkëshortja e tij fatmirësisht nuk është plagosur pasi ndodhej në katin e dytë të ndërtesës.
Momentalisht ky shtetas po merr mjekim në spital, ndërsa llogariten edhe dëme të shumta materiale në katin e parë të godinës.
Bo.Ba/fjala.al
