Një aksident automobilistik është regjistruar ditën e sotme në rrugën e Rinasit, rreth orës 16:40.
Burime zyrtare bëjnë me dije se mjeti me drejtuese shtetasen S.U., 30 vjeçe, është përplasur me mjetin me drejtuese shtetasen M.P., 22 vjeçe.
Si pasojë e aksidentit kanë mbetur të plagosur dy drejtueset e mjeteve, të cilat janë dërguar në spital për të marrë ndihmë mjekësore. Mësohet se ato ndodhen jashtë rrezikut për jetën.
Shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të aksidentit./En.Br./Fjala.al
