Policia Antimafie e Napolit ka vënë në pranga 39-vjeçarin shqiptar, Bashkim Allçiu. Mbi të rëndojnë akuzat për “krimet e skllavërimit”, “zhvatja e vazhdueshme” dhe “dëmtimi fizik personal” në drejtim të dy motrave nga Ukraina.
Sipas mediave italiane, motrat ukrainase kishin shkuar në Itali me shpresën për të punuar, por kishin përfunduar duke prostituuar, në zonën periferike të Giuliano në Kampanja.
Në fund të hetimit, në kurriz të burrit, që u arrestua ndërsa do të merrte vajzat pasi ata “përfundonin turnin”, u mblodhën prova të mëtejshme, sipas së cilave, Bashkimi, me sjelljen e tij të dhunshme dhe shqetësuese, ka ushtruar të drejtën e përfitimit në mënyrë të paligjshme të të gjitha fitimeve që merrnin ukrainaset nga klientët.
Bashkim Allciu ka detyruar vajzat që të përulen përpara çdo lloj vullneti të tij, duke iu mbledhur të ardhurat që fitonin nga “profesioni”. Madje, shtetasi shqiptar kishte kërkuar 10 mijë euro nga njëra prostitutë, që të lirohej nga “puna”, pasi ishte shtatzënë.
Sipas prokurorëve, shfrytëzimi i dy grave do ta lejonte burrin nga Shqipëria të arrinte të fitojë një pasuri prej 32 mijë eurosh brenda vitit.
/En.Br./Fjala.al
