Arben Bajo, ka ndërruar jetë pasi prej ditësh qëndronte i shtruar tek Infektivi me koronavirus dhe i intubuar. Lajmin për humbjen nga jeta të tij e ka bërë të ditur miku i tij Arbër Kadia me anë të një postimi në rrjetin social.
Bajo nga shumë prej nesh do të mbahet mend si skulptori që riktheu të madhen Vaçe Zela në vendlindjen e saj në qytetin e Lushnjes.
Ai krijoi bustin e Vaçe Zelën të ulur në një stol, ndërsa në dorë mbante kitarën e saj. E për fatin e keq skulptori i njohur luftoi me jetën por nuk ia doli dot.
Arben Bajo ka lindur në vitin 1967 në Gjirokastër, liceun e kreu në Fier dhe studioi skulpturë në Akademinë e Arteve të Bukura, në Tiranë, (1988-1992). Ka hapur shumë ekspozita personale në Shqipëri dhe jashtë vendit.
Bajo ka krijuar skulptura të bukura të personaliteteve të tjera të panumërta shqiptare si At Zef Pllumi në Shëngjin, Asim Zeneli në Gjirokastër dhe Lef Noci në Elbasan dhe shumë të tjera.
Bajo është i famshëm edhe për stilin e tij bashkëkohor. Ai numëron gjithsej nëntë ekspozita personale dhe dhjetëra bashkëpunime të tjera. Ajo që bie në sy menjëherë në veprat e tij është përqendrimi i tij në aspektin njerëzor, i përcjellë bukur në të dy anët e tij të prekshme dhe elastike.
Skulptori ka jetuar për afro 14 vjet në Greqi.
Bajo në Greqi bashkëpunoi me muze të ndryshme, për 6 vite ka dhënë edhe mësim në një shkollë private, derisa në 2008-ën u kthye përfundimisht në Shqipëri.
Bo.Ba/fjala.al
