Pompeo përgatitet për turne në Evropën Qendrore

113 563 lexime

124,178FansaPëlqeje

Sekretari amerikan i Shtetit, Mike Pompeo është i përkushtuar të mbështesë dhe thellojë marrëdhëniet e Shteteve të Bashkuara me aleatët e Evropës Qendrore, thotë Departamenti i Shtetit. Shefi i diplomacisë amerikane niset për në Evropë javën e ardhshme për një turne në këtë rajon që do të përfshijë ndalesa në Republikën Çeke, Slloveni, Austri dhe Poloni.

Ambasadori Philip Reeker, Ndihmës Sekretar i Shtetit për Çështjet Evropiane dhe Euroaziatike tha në një konferencë me gazetarë në përgatitje për udhëtimin, se ky është një rajon i rëndësishëm për aleancën transatlantike, por edhe për lidhjet me shtetet përkatëse, si Republika Çeke, Sllovenia dhe Polonia që kanë lënë pas komunizmin dhe janë sot aleatë të fortë.

Ambasadori Reeker nënvizoi rëndësinë e Republikës Çeke për angazhimet ndërkombëtare, përfshirë Afganistanin, Irakun si edhe Sirinë, ku forcat çeke shërbejnë si trupa mbrojtëse për amerikanët.

Sekretari i Shtetit do të ndodhet në rajon ndërkohë që zhvillohen ceremoni dhe aktivitete përkujtuese të 75-vjetorit të përfundimit të Luftës së Dytë Botërore.

Sekretari Pompeo mbërrin në Republikën Çeke më 11 gusht dhe më pas, më 13 gusht, do të shkojë në Slloveni, vizita e tij e parë në këtë vend që nga 2001. Ambasadori Reeker theksoi se Shtetet e Bashkuara vlerësojnë zotimin e Sllovenisë për të përmbushur detyrimet e saj në NATO dhe për të adresuar problemet me rekrutimet ushtarake. Zoti Reeker vuri në dukje rolin e Sllovenisë në nxitjen e stabilitetit dhe sigurisë dhe mbështetjen e ambicjeve euroatlantike të Ballkanit Perëndimor. Sllovenia shpenzon 2/3 e buxhetit të saj të ndihmave ndërkombëtare në projekte në ndihmë të Ballkanit Perëndimor.

SHBA dhe Sllovenia pritet të nënshkruajnë një deklaratë të përbashkët për sigurinë e rrjetit 5G që synon të mbrojë privacinë dhe integritetin e rrjeteve dhe infrastrukturës së komunikimit.

Lexo edhe :  Endri Shabani: Ne ftuam Shehajn dhe Sulën për koalicion, por nuk u arrit. Berisha...

Më pas, po më 13 gusht, shefi i diplomacisë amerikane do të ndalet në Austri ku do të takohet me Kancelarin Kurz, dhe ministrin e jashtëm Schallenberg si dhe zyrtarë të lartë austriakë. Shtetet e Bashkuara, tha zoti Reeker në konferencën për shtyp, e shohin Austrinë si pikë takimi mes Lindjes e Perëndimit, si një qendër e dialogut dhe negociatave ndërkombëtare.

Më 15 gusht Sekretari amerikan i Shtetit do të shkojë në Poloni, ndërkohë që polakët shënojnë 100 vjetorin e fitores mbi forcat sovjetike në Betejën e Varshavës. Këtë muaj festohet gjithashtu 40-vjetori i themelimit të Lëvizjes Solidarnos që luajti një rol të rëndësishëm për rrëzimin e komunizmit në Evropën Qendrore e Lindore.

Ambasadori Reeker renditi projektet ndërkombëtare ku Shtetet e Bashkuara bashkëpunojnë nga afër me Poloninë. Ai përshëndeti marrëveshjen e fundit me Poloninë, e cila garanton se Varshava zyrtare do të shpenzojë 2% të buxhetit bruto për mbrojtjen./VOA

Të fundit

“Fillon të çmendesh”/ Dëshmia e australianit që mbijetoi pesë vjet në një burg kinez

Ndarja e një qelie të pistë me dhjetëra të tjerësh, mungesa e vazhdueshme e gjumit, qeli me drita ndezur...

Nga pritja dy orë në shi tek darka më Presidentin Macron, Rama publikon fotoalbumin

Kryeministri Edi Rama ka publikuar fotoalbumin nga Samiti i Komunitetit Politik Evropian, ku më 16 maj liderët nga 47 vende të Evropës u mblodhën...

Tirana në dy kohë, pas 26 maji 1996 dhe 11 majit 2025! (FOTO)

Kryesocialisti Edi Rama ka bërë një retrospektivë zgjedhjesh me një ecje të shpejtë në kohë dhe dy foto nga momente historike të Shqipërisë. I pari...

“Berisha babai im shpirtëror”, thirrja e Dash Sulës: Doktor je komunist, jep dorëheqjen

Dashnor Sula edhe pse e pranoi se Sali Berisha është babai i tij shpirtëror në politikë, i bëri thirrje kreut të PD nga studio...

A mund të bëhet Euro një monedhë globale?/ Me rënien e Dollarit, europianët kanë mundësi

Me rënien e Dollarit, europianët kanë një mundësi, shkruan The Economist Monedha e parë rezervë e Europës ishte tetradrahmi, mbi të cilën ishte gdhendur një...

Lajme të tjera

Web TV