Lidhur me ngjarjen e ndodhur pak ditë më parë në Bejrut ku qindra persona humbën jetën nga shpërthimi dhe mijëra të tjerë u plagosën ka reaguar edhe Arben Malaj .
Ai shprehet se një ngjarje e tillë apelon për solidaritet, por edhe për të mësuar nga pasojat tragjike që pësojnë popujt dhe vendet, të cilat keqqeverisen nga politikanë të papërgjegjshëm dhe të korruptuar.
Përmes një postimi në rrjetin e tij social Facebook ai risjell në vëmendje një paralajmërim të SHBA-ve në vitin 2013 për “bombat me sahat” në portin e Durrësit.
Postimi i plotë i Arben Malaj
2003 – si na paralajmëruan SHBA për “bombat me sahat” në portin e Durrësit. Në atë kohë në portin detar të Durrësit ishin të instaluara 21 depozita, 19 prej te cilave i përkisnin tre kompanive greke dhe 2 të tjerat firmave shqiptare “Armo” dhe “Kastrati”.
Zhvendosja ishte jetike sepse prania e tyre në studim ishte klasifikuar një rrezikshmëri e lartë për sigurinë e popullatës përreth por edhe një vështirësi e madhe për zhvillimin e portit të Durrësit si porta kryesore e Korridorit 8.
Në 2003 nje raport analitik i bërë nga specialistët e Wilbur Smith Associates (https://www.roadsbridges.com/wilbur-smith-associates),TEC Infrastructure Consultants(https://www.portstrategy.com/…/tec_infrastructure_consultan…) dhe EnerSource Engineering (https://ww.engineerunion.org/branch-chemical)
mbi inspektimin e depozitave dhe veprimtarisë së karburanteve në portin e Durrësit vlerësonte se ekzistonin rreziqe reale për derdhje karburantesh, zjarre dhe eksplozione me pasoja në port dhe komunitetin përreth.
Bazuar në konkluzionin e këtij studimi se depozitat e karburanteve ishin “bombat me sahat” për qytetin e Durrësit, Ministria e Ekonomisë menjëherë urdhëroi zhvendosjen e tyre.
Kordinimi midis ministrive ishte efikas, mbështetja nga kryeministri ishte maksimale. Banka Botërore akordoi një fond prej 150 mijë dollarë për projektin e zhvendosjes se depozitave të naftës nga porti i Durrësit.
Zhvendosja filloj me ndalimin e depozitimit ne port, transferimi naftes nga anijet behej me makina per ne depozitat e reja ne Porto Romano deri ne krijimin e portit per shkarkimin e anijeve direkt ne Porto Romano.
Ditë të mbarë, Arbeni./Bl.Ba/Fjala.al
