Ka dalë sot para gjykatës së Pogradecit për tu njohur me masën e sigurisë, “arrest me burg” 44-vjeçari Olsi Çekiçi, i cili më 6 gusht vrau me thikë nënën e tij Firdes Çekiçi 70- vjeçe, për ti prerë më tej kokën dhe për t’ia varur te porta e shtëpisë.
I dyshuari i akuzuar për veprat penale “Vrasje me dashje për shkak të marrëdhënieve familjare” dhe “Dhunë në familje”, është shfaqur i qetë në gjykatë, teksa mbante në fytyrë maskën e bërë të detyrueshme për shkak të koronavirusit.
Mësohet se në dëshminë e tij dhënë para gjykatës 44- vjeçari ka thënë se nuk është i penduar, pasi nëna i kishte bërë magji dhe merrej me djallin.
Pas një sherri në familje, Çekiçi i preu kokën nënës së tij, 70- vjeçares Firdes Çekiçi. Gjithçka nisi nga një konflikt verbal, më pas autori ka masakruar nënën e tij, Firdes Çekiçi.
44- vjeçari Olsi Çekiçi, vuante nga probleme të shëndetit mendor. Në momentin që policia mbërriti në banesë, 44-vjeçari ishte i lyer me gjak ndërsa armën e krimit e kishte ende në dorë.
Sipas Policisë, Çekiçi nuk ka bërë rezistencë ndërsa u ka thënë efektivë “mos u afroni se do ju bëj pis se gjaku është me magji.”
Kjo ngjarje i kaloi ekstremet e saj pasi 44- vjeçari e kishte masakruar nënën e tij duke i copëtuar pjesë të trupit, ndërsa koka e viktimës u gjet në oborr./Bl.Ba/Fjala.al
