Zv/ministri i Mbrojtjes Petro Koçi shkruan se 675 maturantë kanë zgjedhur që të të studiojnë pranë Akademisë së Forcave të Armatosura, që në tetor hap për herë të parë programin bachelor!
Postimi i plotë i Petro Koçit
675 maturantë, të cilët kanë përfunduar arsimin e mesëm këtë vit, kanë zgjedhur të studiojnë pranë Akademisë së Forcave të Armatosura, që në tetor hap për herë të parë programin bachelor!
Por aplikimi vazhdon të jetë i hapur për maturantët e viteve të shkuara. Më 10 gusht përfundon afati për këtë kategori aplikantësh, të cilët deri nesër duhet të plotësojnë formularin pranë gjimnazit ku janë diplomuar, duke zgjedhur Akademinë e Forcave të Armatosura si një ndër preferencat e tyre.
Akademia e Forcave të Armatosura është një mundësi e jashtëzakonshme.
Pagesë mujore ndihmëse për çdo student për të gjithë periudhën e studimit
Akomodim dhe ushqim falas për 3 vitet e studimit në Akademi
Tarifë studimi 0 lekë në vit
Punësim i sigurt pas përfundimit të studimeve
Duke zgjedhur studimet në Shkencat Ushtarake, keni zgjedhur një karrierë sa të pasur, aq edhe të sigurtë!
Bëhuni elita e së ardhmes në Forcat e Armatosura!
la.mi/Fjala.al
