Prej më shumë se tre ditësh emigrantët shqiptarë janë duke pritur në radhë kilometrike në pikën kufitare të Kakavijës, për shkak të masave ekstreme të vendosura nga qeveria greke për parandalimin e përhapjes së COVID-19.
Tortura e shqiptarëve në Kakavijë, ka tërhequr dhe vëmendjen e mediave italiane. “Il fatto quotidiano“ ka publikuar pamjet nga ajri të radhës kilometrike dhe situatës kaotike që po kalojnë qytetarët në pritje për të kaluar kufirin me Greqinë.
Media italiane shkruan se në pikën kufitare të Kakavijës, në jug të Shqipërisë, u krijua një radhë prej 20 km me mbi 4000 vetura, për shkak të masave të reja të shpallura nga Athina. Kurse për Ministrinë e Jashtme shqiptare media thotë se ata i janë drejtuar autoriteteve greke që të shpejtojnë procedurën aktuale në kufi, duke shkuar nga 200 në 300 testime në orë.
/En.Br./Fjala.al
https://youtu.be/gWoaVYdwnBk
