Klaudia Pepa, balerina shqiptare më në fund do të realizojë ëndrrën e saj. Ajo do të jetë pjesë e filmit “Reverse”, projektit më të fundit të Giuseppe Lepore për Bielle Re.
Filmi do të fillojë xhirimet në 17 gusht (sot) në Abruzzo, në përputhje të plotë me të gjitha kërkesat e shëndetit dhe sigurisë, në periudhë pandemie.
I shkruar nga skenaristi francez Guillaume Pichon, ky projekt do të drejtohet nga Mauro John Capece dhe ka karakter thriller ligjor, që do t’ju lërë të gjithëve pa fjalë.
Skenari flet për një vrasës serial, psikopat, që vret gjithmonë duke përdorur një thikë blu. Pas tij do të jetë një inspektor policie, i cili, i bindur se çmenduria e tij është e gjitha një trillim, duke e marrë në pyetje do të çojë në rrëfimin e kthjellët të vrasjeve të tij!
Thrilleri ku interpretojnë Corinna Coroneo dhe Adrien Liss, ndër të tjera, do të shënojë debutimin e shqiptares Klaudia Pepa bashkë me Beppe Convertini.
Lajmin e ka bërë të ditur vetë Klaudia, e cila është shprehur mjaft e emocionuar për këtë projekt.
“Dua të ndaj me ju një lajm të bukur. Më në fund, ëndrra ime u bë realitet”, shprehet ajo në një postim në rrjetet sociale.
