Gazetari i njohur Ilir Kadia, i cili për një kohë të gjatë ka qenë korrespondent i BBC në Shqipëri, është bërë nostalgjik dhe ka kujtuar kohën e një interviste jo të zakonte me Edi Ramën.
Përmes një postimi në rrjetin social “Facebook”, Kadia shkruan se i ka mbetur në mendje pëshpërima e Edi Ramës, pasi u rrah keqas, në mikrofonin e BBC, dhe që dilte nga ajo pak hapësirë mes buzëve të çara e ënjtura që kishin bërë të ish një mjekër dhe hundë.
Kadia kujton se në atë kohë Rama denoncoi, ashtu me gjysmë fryme, Presidentin e kohës Sali Berisha dhe lajmi mori dhenë.
Komenti i plotë i Ilir Kadias
Për çfarëdo “arsye” ata që rrahën keqas Edi Ramën në shtatorin e 18 viteve më parë ishin kriminelë! Më ka mbetur në mendje pëshpërima e tij në mikrofonin e BBC që unë mbaja dhe që dilte nga ajo pak hapësirë mes buzëve të çara e ënjtura që kishin bërë të ish një mjekër dhe hundë!
Ai denoncoi, ashtu me gjysmë fryme, Presidentin e kohës Sali Berisha dhe lajmi mori dhenë! Tani që është kryeministër unë nuk arrij ta kuptoj pse ai i mban kaq afër vetes kriminelët që çajnë buzë deputetësh në Kuvend e shtien me kobure mbi popull?! Përnjimend nuk e marr vesh!
…
Kështu shkruaja në 6 Shtatorin e 2015 kur një deputet rilindas i asaj kohë qëllonte mbi popull me armë ndërsa të tjerë deputetë rilindas,aleatë të krimit, shpalosin grushta në kuvend!Më kujtuan atëherë rrahjen e Edi Ramës që ashtu të gjakosur hundë e buzë e përcolla në BBC e ngjarja mori dhenë!
Sot prap po e botoj se i tronditur jam nga lajmi se Adashin tim Ilir Vrenozi, kundërshtarin e njohur të Edi Ramës e paskan goditur si atë dikur! Dhe nuk është e para herë!Nuk e ka goditur Edi Rama si edhe atëhere atë nuk e goditi Sali Berisha por…Na mbro nga kriminelët o Edi Rama!
La.Mi/Fjala.al
