Policia e Korçës ka zbardhur ngjarjen e ndodhur më 2 gusht, ku u grabitën katër emigrantë të paligjshëm dhe njëri prej tyre u plagos me mjet prerës.
Si rezultat blutë e qytetit juglindor kanë arrestuar dy autorët e dyshuar të ngjarjes. Pas hekurave kanë përfunduar shtetasit R. M., 20 vjeç, banues në fshatin Moravë, Korçë, (i dënuar më parë për “Vjedhje”) dhe E. B., 25 vjeç, banues në Vlorë, (i dënuar më parë për “Vjedhje”).
“Ndalimi i tyre u bë pasi, nga verifikimet e kryera rezulton se këta shtetas në bashkëpunim me njëri-tjetrin, iu kanë dhënë ndihmë për kalim të paligjshëm të kufirit 4 shtetasve të huaj, të cilët pasi i kanë marrë në një automjet, në afërsi të fshatit Drenovë, iu kanë vjedhur me dhunë 500 euro, si edhe kanë goditur me mjet prerës njërin prej tyre i cili mori mjekimin e nevojshëm pranë Spitalit Rajonal Korçë.” thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Korçë për veprat penale “Vjedhja me dhunë” dhe “Ndihma për kalim të paligjshëm të kufirit” të kryera në bashkëpunim./En.Br./Fjala.al
https://youtu.be/6lXNNsIF2aE
