Nga njëra anë është Interi, tifozët e të cilit kanë 10 vjet që presin për një mbrëmje të tillë evropiane, ndërsa në anën tjetër, është Sevilja, e cila është padyshim një specialiste e veprimtarisë së dytë të klubeve të kontinentit, Ligës së Evropës, trofeun e të cilës e ka fituar 5 herë dhe sonte synon të 6-tën. Pas pak, duke nisur nga ora 21:00, të besuarit e trajnerit Antonio Konte kanë mundësinë që të rikthehen te trofeu, diçka që mungon prej 9 vitesh.
Në finalen e Ligës së Evropës i pret Sevija, një kockë e fortë në këtë veprimtari, pasi spanjollët janë ekipi më fitues në historinë e këtij trofeu dhe zikaltrit duhet ta dinë mirë këtë gjë përpara se të futen në fushën e lojës.
Nga finalja e Madridit në finalen e Këlnit. Kjo është e dhjeta për historinë e skuadrës zikaltër, ndërsa Konte dhe Lopetegui do të luajnë të parën në Evropë. Romelu Lukaku ka shansin e artë që të barazojë Fenomenin Ronaldo, por edhe ta parakalojë atë.
Ndërsa Konte të thyejë tabunë evropiane dhe të marrë trofeun e parë. Gjithçka është gati për festën:
FORMACIONET ZYRTARE:
SEVIJA: Bonou, Karles, Kunde, Navas, Regijon, Fernando, Banega, Xhordan, Okampos, Suso, De Jong.
INTERI: Handanoviç, Bastoni, De Vraj, Godin, Brozoviç, Dambrozio, Jang, Galjardini, Barela, Lautaro, Lukaku.
