Një ndër kampet më famëkeqe të regjimit komunist në Shqipëri ishte ai i Tepelenës, madje ishte një “ferr” i vërtetë ku vuajtën me mijëra vetë, gra, burra dhe fëmijë dhe figura të ndritura të kohës, si kardinali Mikel Koliqi, doktor Ali Erebara, doktor Mykerem Janina, profesor Ali Cungu, profesor Guljem Deda, shkrimtari Mithat Araniti, akademik Pader Lazi, ish- ministri i Arsimit, Zef Shiroka (vëllai i doktor Shirokës) dhe të tjerë intelektuale që çdo ditë përpëliteshin mes jetës dhe vdekjes.
Po si është shndërruar ai sot?
Studiuesi Kastriot Dervishi ka sjellë edhe pamjet më fundit nga ky vend ogurzi.
Në statusin e tij në Facebook ai shkruan: “Në Kampin e Tepelenës në vitet 1949-1953 u internuan familjarët e të arratisurve politike brenda dhe jashtë vendit, kryesisht gra, pleq dhe fëmijë. Për herë të parë këtë objekt e kam vizituar 12 dhjetorin e vitit 1991, natyrisht pa ditur asnjë nga historia e mëparshme e tij. Kthim pas kaq vitesh në të njëjtin vend. Në foto një nga kapanonet ku kanë fjetur të internuarit.”
