Kryeministri i Kosovës Avdullah Hoti ka dhënë direktivat se si do të veprohet gjatë vjeshtës lidhur me situatën e pandemisë.
Hoti ka deklaruar se nuk do të ketë masa të rrepta si në pranverë, por nga ana tjetër as lirim të plotë nuk do të ketë.
Gjithashtu Hoti bëri të ditur se do të vazhdohet me këshilla dhe informim të gjendjes hap pas hapi.
“Nuk do të ketë nevojë për masa sforcuese, por këshilla dhe informim. Nuk mund të them se do të shkojmë kah lirimi, sepse situata me Covid nuk është duke u lehtësuar. Është fakt se ne kemi një numër më të vogël me raste, por numri i rasteve me fatalitet është shumë i lartë, tepër”, ka deklaruar kryeministri i Kosovës.