Një 58 vjeçar shqiptar është ekzekutuar me dy plumba në kokë në Kavalla të Greqisë. Bëhet me dije se ai punonte në mbledhjen e ullinjve, ndërsa trupi i viktimës është gjetur në parcelë nga pronari i tij.
Fillimisht pronari i tij ka dyshuar për infarkt dhe ka njoftuar ambulancë. Por, mjekët kanë konstatuar se shqiptari ishte qëlluar dy herë me armë zjarri.
Trupi i viktimës ndodhet në morgun e Kavallas, ndërsa identiteti i tij ende nuk bëhet me dije. Sipas njerëzve që e njihnin 58 vjeçarin shqiptar ai ishte një njeri i qetë dhe nuk kishte pasur konflikte me njeri.
Autoritetet greke kanë nisur hetimet dhe po punojnë për zbardhjen e plotë të ngjarjes./Re.Gu/Fjala.al
