Nga Lira Gjika
Të mësuarit e fjalës nga fëmija kërkon shumë përqendrim, energji dhe mund, pasi duhen gërshetuar tre elementët bazë, që e realizojnë këtë proces, të cilët janë: aftësitë gjuhësore, mendore, dhe sociale.
Të rriturit pranë fëmijës, prindër, edukatorë dhe mësues, duhet të jenë të vetëdijshëm për këtë proces kaq të ndërlikuar të fjalës.
Fjala nuk është një shabllon apo emërtim i një sendi apo dhe personi, ne radhë të pare fjala është marrëdhënie, komunikim dhe krijim.
Ata, të rriturit, përveç që duhet të zgjedhin me kujdes fjalët dhe ti artikulojnë saktë, por duhet të respektojnë edhe etikën e të folurit që fëmija të mund te arrije nivele sa më të avancuara gjuhësore.
Te rriturit duke përdorur një fjalor bazik, e ngecin fëmijën ne nivele te ulëta gjuhësore dhe për pasoje fëmija nuk arrin te realizoje rritjen e tij psikoemocionale.
Mënyra e komunikimit të të rriturit është modeli se si duhet të falsi fëmija dhe çfarë fjalësh duhet të përdori. Në rrugën tejet të ndërlikuar të rritjes, fëmijës i duhet në krah i rrituri, për të realizuar të kuptuarin e fjalës, aftësinë për ta përdorur në mënyra e çaste të ndryshme, pa harruar etikën, e cila shmang ose jo, nivelin e ulët të të folurit, dhe ruan cilësinë e fjalës, pasi çdo njeri mendon nëpërmjet sasisë dhe cilësisë së fjalëve që përdor. Ky proces pa të rriturin e përgjegjshëm nuk realizohet në më të mirën e mundshme.
La.Mi/Fjala.al
