Maqedonia e Veriut duket se po sheh “dritë në fund të tunelit” lidhur me situatën e COVID-19, pasi në 24 orët e fundit ka regjistruar numrin më të vogël të rasteve të reja që nga muaji prill.
Për këtë të diel, autoritetet vendase të shëndetësisë kanë raportuar 39 raste të reja me COVID-19 nga 817 teste të kryera. Gjatë 24 orëve të fundit kanë humbur betejën me COVID-19 dhe katër pacientë të tjerë. Bëhet fjalë për dy nga Kumanova të moshës 43 dhe 66 vjeç dhe dy nga Shkupi të moshës 71 dhe 72 vjeç. Ndërkohë janë shëruar dhe 48 pacientë të tjerë.
Sipas raportit të Ministrisë së Shëndetësisë, deri tani janë testuar 147.819 persona, prej tyre 14.330 kanë rezultuar pozitiv me COVID-19, 11.062 janë shëruar ndërsa aktivë janë 2.668 persona./En.Br./Fjala.al
