Ish-ministri i Arsimit, Myqerem Tafaj, në një intervistë për gazetën “Fjala”, analizoi vendimin e qeverisë lidhur me hapjen e shkollave në 14 shtator, duke theksuar se ky hap ishte i rëndësishëm, pavarësisht pandemisë.
Ndër të tjera ai foli dhe për diferencën e shkollës mes nxënësve që vinë nga familje të varfra apo me të ardhura nën mesataren, duke theksuar se kjo shtresë e popullsisë ka një diferencë në formimin e tyre në krahasim me ato që vinë nga popullsia me diferencë.
“Nxënësit që vijnë nga shtresa e popullsisë, nga familje me të ardhura nën mesataren dhe ato të varfra, kanë një diferencë në formimin e tyre arsimor me 1,5 vite shkollore në krahasim me nxënësit që vijnë nga familjet me të ardhura mbi mesataren. Këtë e ka thënë një studim i vitit 2018.
Kjo do të thotë që një nxënës 15-vjeçar në klasë të nëntë, nëse vjen nga familje e shtresës së varfër, ka formimin arsimor të klasës së shtatë, ndërkohë edhe pse ka të njëjtën moshë, është formalisht në klasën e nëntë me bashkëmoshatarët e tij që vijnë nga familjet me të ardhura më të mira se mesatarja. Pandemia e thelloi edhe gjysmë viti shkollor këtë diferencë.
Pra, raporti i BB-së, i majit 2020, thotë që për shkak të pandemisë, për shkak të këtij faktori të pamundësisë së aksesit të mësimit on line, nxënësit e shtresave të varfra dhe shtresës me të ardhura nën mesataren, kanë thelluar diferencën në formimin e tyre në dy vite shkollore.
Pra, kjo nuk mund të vazhdojë më tutje. Në të gjithë botën dihet që metodat e mësimit on line, në mënyrë të veçantë te nxënësit e shkollës fillore, janë krejtësisht të papërshtatshme”, shprehet Tafaj./Bl.Ba/Fjala.al
