Shtatori do të jetë muaji në të cilin do të nisë shpërndarja masive e vaksinës kundër Covid-19. Njoftimin e bëri të ditur gjatë një takimi me mjekët në rajonin e Irkutsk, ministri rus i Shëndetësisë Mikhail Murashko.
Ministri shpreh bindjen e tij duke thënë se sasitë maksimale do të arrihen në periudhën nëntor-dhjetor.
“Dorëzimi i sasive të mëdha të vaksinës do të fillojë që në Shtator. Grupet e monitorimit pas regjistrimit, janë duke u formuar. Më shumë se 2.500 njerëz janë rekrutuar tashmë, numri i tyre i përgjithshëm do të arrijë në 40,000.
Janë duke u zhvilluar edhe një numër i vaksinave të tjera. Do të arrijmë në sasitë maksimale në periudhën nëntor-dhjetor. Do të jetë e mundur që shumë persona të vaksinohen kundër gripit dhe Covid-19 të ri në periudha të ndryshme që prej muajit nëntor”, tha Murashko.
Pandemia e koronavirusit, ka shkaktuar shumë viktima në botë ndërsa shumë shtete presin vaksinën si të vetmin shpëtim për të mos humbur më jetë njerëzish./Er.Ke/Fjala.al
