Tritan Kalo shpallet qytetar nderi i Gjirokastrës, mjeku: Përkulem me shumë respekt e konsideratë përpara jush

113 563 lexime

124,178FansaPëlqeje

Mjeku i njohur, Tritan Kalo, është shpallur sot qytetar nderi nga Këshilli Bashkiak i Gjirokastrës. Lajmin e ka bërë të ditur vetë mjeku, ku shpreh se është një vlerësim i madh për të. Në një postim në mediat sociale, Kalo shprehet se nuk e kishte menduar që puna dhe përkushtimi i tij do të tërhiqte vëmendje e do të vlerësohej kaq lart.

Më tej ai shprehet se është thellësisht i prekur nga ky nderim për të dhe shton se njerëzit gjithmonë e kanë njohur dhe vlerësuar Gjirokastrën si qyteti i gdhendur plot hijeshi e madhështi në shpatet e Malit të Thatë, si qyteti që plot bujari rrit e ushqen djem e bila të përkorë.

REAGIMI I PLOTË

Kohë Kovodiane….QYTETAR NDERI i qytetit të GJIROKASTRËS….Nuk e kisha menduar ndonjëherë se vjen një ditë që Puna, Përkushtimi, Profesionalizmi dhe Humanizmi i një Mantelbardhi si unë, do të tëhiqte vëmëndjen dhe do të vlerësohej kaq lartë nga Anëtarët e një Këshilli Bashkiak, të cilët përpos detyrimeve e punëve të tyre të shumta të kohës do të konsumonin minuta nga koha e tyre e çmuar, për të më aprovuar më 31 Gusht 2020 si BIR të NDERUAR të Qytetit të Gurtë, simbol i paçmuar i Atdhetarisë, i Arsimit, i Kulturës, i Qytetarisë dhe i Tolerancës në mbarë TROJET ARBËRORE…..Qyteti ku në Gusht të vitit 1931, lindi im atë i ndjerë Mirdash KALO, pinjoll i Kalatëve të Palortosë dhe i Çoçolatëve të Dunavatit….Ishin fillimisht mjekët e këtij qyteti që i adresuan kërkesën Kryetarit të Bashkisë, Dr. Flamur Golemit, dhe ky i fundit që i propozon me shkrim në 24.08.2020 dhe i adresohet direkt Anëtarëve të Këshillit Bashkiam më 31 Gusht 2020, për të më nderuar e përjetësuar me këtë Titull Nderi….

PA shumë FJALË por THELLËSISHT i prekur….NJERËZIA gjithmonë e ka njohur e vlersuar Gjirokastrën si qyteti i gdhendur plot hijeshi e madhështi në shpatet e Malit të Thatë, si qyteti që plot bujari rrit e ushqen djem e bila të përkorë, atdhe e kulturë-dashës, sepse për gjithkënd në Viset tona Arbërore “GJI-ROK-ASTRA” nuk është gjë tjetër, veçse: “Gjiri i Gurtë që ushqen e rrit, vlerëson e lartëson ata/ato që i konsideron vlera, Astra/Yje” për vete, për Vendin dhe për Shqiptarinë….NUKU e di nëse jam vërtet një i tillë, POR ju siguroj se edhe në ditët e mbetura të jetës sime, unë Dr. Tritan KALO, do të vijoj të bëj të pamundurën, që të mos i zhgënjej aspak bashkëqytetarët e Gjirokastrës sime dhe jo vetëm, për këtë vlersim dhe besim, përkundrazi…. Do mbetem përherë një bir i lidhur genetikisht dhe shpirtërisht i Gjirokastrës sonë të njohur dhe të nderuar ndër shekuj….PËRKULEM me shumë-shumë respekt e konsideratë përpara jush për këtë vlersim të lartë!!!

Lexo edhe :  Nesër Fitër Bajrami, besimtarët myslimanë do e falin namazin në Sheshin Skënderbej

Mjeku Tritan Kalo nuk është i vetmi që është nderuar nga qyteti i tij i lindjes. Pak javë më parë dhe mjeku Pëllumb Pipero mori titullin qytetar nderi i Skraparit, për kontributin e tij në mjekësinë shqiptare. Ka.Li/fjala.al

Të fundit

Raporti për 2024-ën/ SPAK: 33 ish-zyrtarë të lartë u hetuan, mbi 50% shkuan për gjykim

SPAK ka publikuar raportin vjetor për luftën kundër korrupsionit, duke evidentuar një rritje të ndjeshme të çështjeve dhe personave nën...

Diego Simeone nuk lëkundet përpara Barcelonës: “Po kalojmë një sezon shumë të mirë”

Para ndeshjes që do të vendosë sezonin e Atletico Madridit, trajneri Diego Simeone ka folur për mediat spanjolle. Trajneri i “Los Colchoneros” ka analizuar...

“Durana Tech Park”, Rama: Synojmë gjysmë miliard euro të ardhura në buxhet

Qendra e Inovacionit dhe Teknologjisë, Durana Tech Park, ka hapur dyer për 34 rezidentë e parë të ndarë në 4 kategori, kompani, start-up, nomadë...

Protesta e 2 prillit në Shkodër/Berisha: Frymëzim për zgjedhjet, në 11 maj ndahen 2 epoka

Protesta e 2 prillit të vitit 1991 kundër regjimit komunist që përfundoi me 4 viktima në Shkodër, për Sali Berishën duhet të jetë burim...

Ultimatum për heqjen e simboleve të PD/ Basha zbaton urdhrin pas ankimit të demokratëve

Gjatë seancës së 21 marsit në KQZ, kreu i Komisionit Qendror të Zgjedhjeve, Ilirjan Celibashi, ka urdhëruar Lulzim Bashën, të heqë simbolet e Partisë...

Lajme të tjera

Web TV