Zëvendësministrja e Shëndetësisë, Mira Rakacolli ka folur rreth vetëvrasjes së 65-vjeçarit në spitalin “Shefqet Ndroqi”.
Për mediat ajo u shpreh se viktima ka qenë i shtruar në spital për një ditë dhe se ishte duke marrë trajtimin e duhur dhe kujdesin mjekësor specifik për sëmundjen që kishte, ajo gjithashtu theksoi se 65-vjeçari ishte duke marrë dhe ndihmë nga simptomatologët dhe konsulta psikiatrike.
Më tej, Rakacolli bëri me dije se kanë nisur hetimet në lidhje me ngjarjen e ndodhur ditën e djeshme.
“Pacienti ka qenë prej 24 orësh i shtruar dhe i është ofruar ndihmë për simptomatologjinë dhe ankesat që paraqiste situata e tij. Kanë nisur hetimet, se si ka qenë situata, a ka qenë adekuat mjekimi dhe si ka qenë asistenca, që do të sqarohen në ditët në vijim. Ata marrin mjekimin e tyre, përveç COVID dhe situatën që ata paraqesin, siç marrin mjekim dhe ata për diabetin, apo sëmundjet e zemrës.
Marrin mjekim specifik për sëmundjen që kanë. Spitalet komunikojnë me njëri tjetrin dhe janë marrë edhe konsulta psikiatrike”, tha Rakacolli./Re/Gu/Fjala.al
