Tetë shqiptarë po planifikonin të arratiseshin nga burgu i Korfuzit.
Mediat greke bëjnë me dije se plani shqiptar u rrëzua pasi 4 ditë më parë u morën informata të fshehta se ata mbanin nëpër mure armë, shumica të imprivizuara, drogë (heroinë) si dhe celularë.
Lefteris Ikonomou, zv/ministri i Mbrojtjes Civile urdhëroi një operacion të fshehtë në dy seksione E dhe Z të burgut.
Shqiptarët në fjalë janë të dënuar për krime të rënda dhe nga operacioni iu sekuestruan në total 2 pistoleta me fishekë, 4 thika, 3 cigare hashash dhe 19 qeska plastike me 9 gramë kanabis secila, 9.1 gramë heroinë, 2 shufra druri për goditje, 2 celularë, kufje e armë të tjera të ftohta.
Kjo nuk është hera e parë që shqiptarët planifikojnë arratisjen nga burgjet greke, ku rasti më i njohur është ai i Alket Rizait me helikopter. Ka.Li/fjala.al
