Ka nisur sesioni ri Parlamentar në Kuvendin e Shqipërisë. Deputetët janë rikthyer në Kuvend me maska në mënyrë që të respektojnë masat mbrojtëse nga Covid-19.
Në nisje të seancës, në sallën e Kuvendit u vendos Himni kombëtar dhe deputetët u ngritën në këmbë dhe kënduan vargjet e këngës simbol të shqiptarëve.
Fjalën e ka marrë i pari Kreu i Kuvendit, Gramoz Ruçi i cili ka renditur arritjet e legjislaturës së kaluar si dhe ka përshendetur marrëveshjen mes Kosovës dhe serbisë në Washington në praninë e Presidentit Donald Trump.
Me rastin e fillimit të sesionit të ri parlamentar, ju uroj seksese. Sesioni i kaluar ishte i suksesshëm. Shqipëria mori përgjigje pozitive për çelje negiociatash. Po ashtu, kaluam me sakrifica situatën, nga tërmeti dhe nga pandemia. Po ashtu, u mbledh edhe Këshilli Politik me partitë jashtë parlamentit. Më lejoni të përshëndes marrëveshjen ekonomike mes Kosovës dhe Serbisë në SHBA.
Kjo marrëveshje ui hap rrugës marrëveshjes finale dhe njohjes së Kosovës. Procesi është shumë i rëndësishëm. Hapja e dosjes së Kosovës në tryezën e punës në Shtëpinë e Bardhë, është garanci për këtë çështje. Të kontribuojmë të gjithë që dosja e Kosovës të jetë në dorën e presidentit amerikan derisa të njihet pavarësia e Kosovës”, theksoi ai.
Pa.Va/Fjala.al
