Ka përfunduduar edhe mbrëmja e sotme në Ligën e Kombeve. Ashtu si çdo mbrëmje tjetër ky format ka dhuruar supersfida me gola dhe episode interesante në çdo ndeshje.
Përballja më pikante e mbrëmjes mes Francës dhe Kroacisë u mbyll me rezultatin 4-2. Gjelat bënë një ‘déjà vu’ të finales të Botërorit 2018. Griezman, Upamecano dhe Giroud ishin shënuesit për Francën që iu shtua dhe autogoli i Livakovic ndërsa veterani Lovren dhe Brekalo shënuan për Kroacinë
Vëmendja u përqëndrua gjithashtu tek Cristiano Ronaldo i cili nuk përmbahet. Portugezi realizoi dy gola duke e çuar totalin e golave në 101 me Kombëtaren. Edhe pse në një moshë të madhe CR7 është si një makineri që nuk di të ndalet. Kështu Portugalia mposhti 2-0 Suedinë.
Belgjika shkatërroi 5-1 Islandën me golat e Ëitsel, Batschuayi, Mertens dhe Doku. Me rrjeta të paprekura u mbyll sfida e Anglisë dhe Danimarkës që nuk pati shumë histori.
Ndërkohë në sfidat e tjera Qipro u mund nga Azerbaxhani 0-1, Luxemburgu u mposht nga Mali i Zi me po të njëjtin rezultat, Armenia mposhti 2-0 Estoninë, Liechtensteini mundi 2-0 San Marinon ndërsa sfida mes Gjeorgjisë dhe Maqedonisë së Veriut u mbyll në barazim 1-1.
Pa.Va/Fjala.al
