Një grua ka lajmëruar policinë sepse djali i saj autik bërtiste me të madhe.
Menjëherë sapo kanë mbërritur në vendin e ngjarjes, agjentët kanë urdhëruar 13-vjeçarin të shtrihej në tokë.
Pasi ai nuk iu bind urdhërit, policia ka hapur zjarr, duke goditur adoleshentin disa herë.
Linden Cameron është shtruar në spital me plagë në shpatull, kavilje, zorrën e trashë si dhe kanalet urinare. E ëma ka treguar për mediat lokale që lajmëroi policinë për të kërkuar ndihmë, meqë djali i saj po kalonte një krizë.
Gruaja sapo ishte kthyer nga puna dhe ka gjetur djalin e saj në momente jo të mira.
‘Nuk ishte i armatosur, po përpiqej të tërhiqte vëmendjen. Agjentët nuk duhet të përdornin atë forcë që përdorën’, ka shpjeguar ajo. ‘Policia u prezantua në derë e armatosur dhe teksa im bir ka kundërshtuar për tu shtrirë në tokë kanë hapur zjarr’, ka vijuar ajo./Er.Ke/Fjala.tv/
