Zgjedhjet e 25 prillit janë të 10-tat parlamentare pas rrëzimit të komunizmit në Shqipëri. Nga këto 1 herë këto zgjedhje janë fituar nga PPSH, 4 herë nga Partia Demokratike dhe 4 herë Partia Socialiste. Por a do t’i njohë PD zgjedhjet e vitit që vjen, nëse ajo humbet? Enkelejd Aibeaj është përgjigjur në emisionin HARD TALK NGA ROLAND QAFOKU.
-A do t’i njohë zgjedhjet PD?
-Zgjedhjet maten nëse janë të ndershme apo jo. Çështja nëse janë të lidha dhe të ndershme, apo jo është çështje faktesh dhe provash. Është çështje fakti,, jo çështje dëshire. Si ka ndodhur për zgjedhjet e 2017? Si ka ndodhur për zgjedhjet e 2016 në Dibër? Apo dhe të 2015? Momentet e para ju e patë. Dolëm humbës apo jo? Dolëm humbës dhe në ato momente nuk dolëm të thoshim që fajin na e ka tjetër kush. Ama me daljen e provave, të fakteve, të përgjimeve të Bildi-t besoj u bë e qartë të paktën në dy qarqe të mëdha se si ishin vjedhur zgjedhjet. Kështu që çështja e njohjes apo jo, nuk është çështje opinioni, është çështje faktesh. Deri tani ne kemi bërë maksimumin për të krijuar elementët bazikë të garancive. Dhe marrëveshja e 5 qershorit këtë synonte./Fjala.al/Ke.Ba
